НИТХ-ын 2019 оны арванхоёрдугаар сарын 02-ны өдрийн хуралдаанаар авто зам ашигласны төлбөрийн хувь хэмжээг тав дахин нэмэгдүүлэхээр шинэчлэн баталсан. Эл шийдвэрийг иргэдийн зүгээс эсэргүүцэж, жагсаал зохион байгуулсан билээ. Ерөнхий сайд У.Хүрэлсүхийн зүгээс тухайн шийдвэрийг эргэж харахыг Хотын дарга С.Амарсайханд үүрэг болгосон юм.

Энэ дагуу өнөөдөр Нийслэлийн ИТХ-ын Тэргүүлэгчдийн хуралдаанаар "Тогтоолд өөрчлөлт оруулах асуудлыг дэмжих тухай", "НИТХ-ын ээлжит бус IX хуралдааныг товлох" асуудлыг хэлэлцлээ. Хурлаас НИТХ-ын ээлжит бус IX хуралдааныг арванхоёрдугаар сарын 16-ны өдөр 11 цагт хийхээр тогтлоо. Тэгэхээр ирэх даваа гарагт авто зам ашигласны тав дахин нэмсэн шийдвэрийг эргэж хэлэлцэх юм байна.