2023 оны төсвийг өнөөдрийн УИХ-ын чуулганы хуралдаанаар баталсан. Энэ үеэр УИХ-ын дарга Г.Занданшатар "Тэвчиж болох зардлыг хянах замаар төсвийн зардлыг 176.9 тэрбум төгрөгөөр буурууллаа. Ийнхүү хэмнэсний үр дүнд улсын хэмжээнд 10,000-аас дээш хүн амтай гэр хорооллын айл өрхөд цахилгааны эрчим хүчний тарифыг хөнгөлөх ажлыг эхлүүлнэ. Энэхүү хөнгөлөлтөд нийт 173,600 өрх хамрагдана" гэв.

Мөн УИХ-ын гишүүн М.Оюунчимэг "Цахилгааны шөнийн тарифыг үргэлжүүлэн тэглэхээр болж, Эрчим хүчний сайдын багцад 33 тэрбум төгрөг тавигдсан" гэх мэдээллийг өгөөд байгаа юм.