Улаанбаатар хотын орон сууцны үнэ энэ оны есдүгээр сард өмнөх оны мөн үеэс 12.4 хувиар, өмнөх сараас 0.4 хувиар тус тус өссөн байна. Тодруулбал, өнгөрөгч есдүгээр сард шинэ орон сууцны нэг метр квадрат талбайн дундаж үнэ 3.32 сая төгрөг болж, Хан-Уул дүүрэгт хамгийн их буюу 3.6 сая төгрөг байна. Харин хуучин орон сууцны нэг метр квадрат талбайн дундаж үнэ 3.09 сая төгрөг болж, Сүхбаатар дүүрэгт хамгийн их буюу 3.69 сая төгрөг байна.