Нийслэлийн Хан-Уул дүүргийн 4 дүгээр хорооны “Задгай” /Ханбогд хорооллын хашааны гадна/ таван хүн дулааны шугамын худагт засварын ажил хийж байхад халуун ус дамжуулдаг төмөр хоолой задарч халуун ус асгарсны улмаас дөрвөн хүн хүндэвтэр, нэг хүн хөнгөн түлэгдсэн тухай дуудлагыг аравдугаар сарын 25-ны 20:13 цагт хүлээн авсан. Нийслэлийн Аврах ангийн алба хаагчид очиход 5 ажилтнаас хүндэвтэр түлэгдсэн 4 хүнийг НЯТТТ авч явсан байсан бөгөөд Сонгинохайрхан дүүргийн 42 дугаар хорооны харьяат 38 настай эрэгтэй Н нь хөнгөн түлэгдсэн байсныг ГССҮТ-д хүргэж өгсөн.