Египетийн нийслэл Каир хотод болж буй буудлагын спортын 53 дахь удаагийн Дэлхийн аварга шалгаруулах тэмцээний эмэгтэйчүүдийн 25 метрийн том калибрийн гар бууны дасгал боллоо. Тус дасгалд Монголын гурван бүсгүй эхний гурван байр эзэлж, медалийн тавцанд зэрэгцэн зогсч түүхэн амжилт үзүүллээ.
Мөн өчигдөр сонгомол гар бууны 50 метрийн холимог төрөлд Э.Даваахүүгийн хамт мөнгөн медаль хүртсэн "Хүч" спорт хорооны тамирчин ОУХМ Цогбадрахын Мөнхзул өнгөө хувиргаж өнөөдөр дэлхийн аварга болж, "Аврагч" спорт хорооны тамирчин ОУХМ Төмөрчөдөрийн Баярцэцэг мөнгө, "Алдар" спорт хорооны тамирчин ОУХМ Энхбатын Хишигдэлгэр хүрэл медаль тус тус хүртсэн юм.
Эх сурвалж: MGL sport
