МАН-ын Удирдах зөвлөл хуралдаж, ХНХ-ын сайд болон ХХААХҮ-ийн дэд сайдын асуудлыг хэлэлцсэн. Улмаар ХНХ-ын сайдаар Т.Аюурсайханыг томилж, тэрбээр тангараг өргөсөн. ХХААХҮ-ийн дэд сайдад МАН-ын гишүүн, Социал деморкат оюутны холбооны Ерөнхийлөгч М.Ганхүлэгийг нэр дэвшүүлсэн байдаг.
Харин Засгийн газар өнөөдөр ээлжит бусаар хуралдаж, ХХААХҮ-ийн дэд сайдаар М.Ганхүлэгийг томиллоо.
М.Ганхүлэг нь 1990 онд төрсөн. Ам бүл 6. Эхнэр, дөрвөн хүүхэдтэй.
- 1998-2008 онд Ерөнхий боловсролын 2 дугаар дунд сургууль,
- 2008-2012 онд Хөдөө аж ахуйн их сургуулийн Эдийн засаг, бизнесийн сургуулийг төгссөн.
Ажилласан байдал:
- 2011-2013 онд Нийгмийн Ардчилал Монголын Оюутны Холбооны нарийн бичгийн дарга,
- 2013-2015 онд “Шинэ Дэлхий” телевизийн маркетинг, төлөвлөлтийн менежер,
- 2015-2019 онд “Ашдын түүчээ” ХХК-ийн Гүйцэтгэх захирал,
- 2019 – 2022 онд Социал демократ Монголын залуучуудын холбооны зүүн бүс хариуцсан нарийн бичгийн дарга,
- 2020 – 2022 онд Монгол ардын намын Удирдах зөвлөлийн ажлын албанд Улс төрийн бодлогын газрын дарга,
- 2022 оноос Монгол Улсын Ерөнхий сайдын хөдөө аж ахуй, залуучууд, цахим шилжилтийн асуудал хариуцсан зөвлөх, Социал демократ Монголын Оюутны холбооны ерөнхийлөгчөөр ажиллаж байна.
Түүний ХОМ-тэй энд дарж танилцана уу.
