"Монгол" ТВ-ээс зохион байгуулж буй "The Voice of Mongolia" шоу энэ долоо хоногоос эхлэн амралтын өдөр буюу Бямба, Ням гарагт 20:00 цагаас гарахаар болсон билээ.
Тэгвэл өнөөдөр болох The Knock Out шатанд шүүгч, дасгалжуулагч Д.Болдын багийн шилдэг таван оролцогч болох Ө.Аззориг, Б.Анужин, Б.Алунгоо, Б.Ану, М.Батзориг нар үзүүлбэрээ үзүүлж шоуг цааш үргэлжлүүлэх эсэхээ шийднэ.
Харин маргааш болох дугаарт шүүгч дасгалжуулагч С.Ононбатын багийн шилдэг таван оролцогч болох О.Азбаяр, Э.Анударь, Б.Биндэръяа, М.Саранмарал, Д.Цолмон нар мөн адил шалгууртай тулгарч The Knock Out шатны ширүүхэн өрсөлдөөнийг харуулах юм байна.
