Сүүлийн үед дотоодын нислэгийн үнэ ханш өндөр байгаа талаар иргэд ихээхэн шүүмжилж буй. Тэгвэл Зам, тээврийн хөгжлийн сайдаар томилогдоод буй С.Бямбацогт өнөөдөр Дотоодын нислэгийн тийзийн үнийг хямдруулах, гадаад дотоод нислэгийн тоог нэмэгдүүлэх боломжийг судлан танилцуулахыг Иргэний нисэхийн ерөнхий газарт даалгасан байна. Мөн,

-Бүтээн байгуулалт, ургац хураалт, өвөлжилтийн бэлтгэл ажил эрчимжиж байгаа үед хөдөлгөөний аюулгүй байдалд анхаарахыг яамны газар хэлтэс, харьяа газрын удирдлагуудад,

-Тяньжин, Замын-Үүд боомтод нэмж чингэлгийн бөөгнөрөл үүсгэхгүй байх, одоо үүсээд буй чингэлгийн бөөгнөрлийг нэг сарын дотор арилгах, галт тэрэг солилцоог нэмэгдүүлэхийг Улаанбаатар төмөр зам ХНН-д даалгажээ.