Тайландын Паттаяа хотод зохион байгуулагдаж буй аэробик, гимнастикийн Ази тивийн аварга шалгаруулах долоо дахь удаагийн тэмцээн энэ сарын 03-05-ны өдрүүдэд үргэлжилж байна. Тэгвэл тус тэмцээнд оролцож буй 15-17 насны багийн төрөлд Монгол Улсын баг тамирчид хүрэл медаль хүртлээ.

Хүрэл медаль хүртсэн багийн бүрэлдэхүүнд Б.Энхтөгс /Гэйнер клуб/, Ө.Тэмүүжин /Өнөр цогцолбор 82 дугаар сургууль/, У.Хосжаргал /Лайт клуб/, Э.Оюумаа /Лайт клуб/, Б.Саруул /Лайт” клуб/ нар багтсан байна. Өнөөдөр тэмцээний сүүлийн өдөр бөгөөд 18-аас дээш насны шигшээ тэмцээн үргэлжлэх юм.