МҮХАҮТ-аас 5-р сарын 1-ийг "Ажлын байрны өдөр" болгон зарлаж, Эзэнгүй ажлын багаж хэрэгслийн жагсаал, ажлын байрыг хамгаалах цахим хөдөлгөөн өрнүүлсэн билээ.

Тэгвэл МҮХАҮТ-аас боловсруулсан 2020-2024 онд эдийн засгийг эрчимжүүлэх санал болон УИХ-ын 2020 оны сонгуульд оролцох нам эвслүүдийн мөрийн хөтөлбөрт тусгах саналуудыг нэр дэвшихээ мэдэгдсэн улстөрийн намуудын ЕНБД нарт хүлээлгэн өгөв.

Эдийн засгийг эрчимжүүлэх, үүсээд байгаа хямралыг хамтдаа даван туулах болон ажлын байрыг нэмэгдүүлэх чиглэлээр 10 багц бодлого бүхий эдгээр саналыг мөрийн хөтөлбөртөө тусгаж хамтран ажиллахыг хүслээ.