МАН-ын УЗ хуралдаж, Засгийн газрын бүтэц, сайд нарын нэрсийг тодруулсан ба Уул уурхай, хүнд үйлдвэрийн сайдаар УИХ-ын гишүүн Ж.Ганбаатар томилогдоод буй. Тэгвэл тэрбээр өөрийн байр сууриа илэрхийллээ.

"Уул уурхайн яамны хувьд тулгамдаж буй гол асуудал бол иргэдэд асуудлыг зөв талаас нь ойлгуулах, иргэдийг мэдээллээр хангах юм. Түүнээс гадна гадаадын хөрөнгө оруулалт маш их тутагдаж байгаа. Түүнээс гадна боловсон хүчний хувьд, чадавх, олдоцын хувьд ч асуудал байна. Мөн шинэ технологоиор дутагдаж байгаа. Их хурлаар ороод ажлаа авсны дараа хэвлэл мэдээллийн хэрэгслээр мэдээлэл өгнө. Уул уурхайн салбарт тодорхой ажлуудыг зоригтой эхлүүлэх ёстой. Нийгэм, хэвлэл мэдээлэл хэрхэн дүгнэх бол гэдгээс хандаж болохгүй, дотоодын болон гадаадын хөрөнгө оруулагчид, иргэдийн уялдаа холбоог хангах үүрэг ирж байна" гэв.