Сүхбаатар дүүргийн ХАНГАЙ ХОТХОН -ы оршин суугчдаас гаргасан хэрэглээний халуун хүйтэн усыг хязгаарлаж хэрэглэгчдийн эрхийг хохироож байна гэх гомдол ШӨХТГ-т иржээ. Уг гомдлыг судалж Хангай хотхон ХХК -д Улсын байцаагчийн албан шаардлага хүргүүлж, зөрчлийг арилгуулав.

Төлбөрөө төлөөгүй хэрэглэгчдийн үүсгэсэн өрийн улмаас тухайн хотхоны нийт хэрэглэгчдийн усыг хязгаарлах нь төлбөрөө төлсөн хэрэглэгчдийн эрхийг зөрчиж байгаа асуудал юм.

Гэвч олон айл өрхүүд төлбөрөө төлөхгүй өр ихээр үүсгэж, хуримтлагдаж байгаагаас шалтгаалан тухайн Орон сууцны контор болон УСУГ, ОСНААУГ-ын харьяа конторуудын үйл ажиллагаа доголдож, цаашид үйл ажиллагаа явуулахад хүндрэлтэй болж буй тул оршин суугчид, СӨХ-үүд хариуцлагатай байж хэрэглээний төлбөрөө төлөх, төлбөр төлөхгүй байгаа оршин суугчдын төлбөрийг төлүүлэхэд анхаарах шаардлагатай юм.