Өнөөдөр болох үйл явдлын мэдээллийг хүргэж байна.
- “Миллениум плаза”-д
09:00 цагт Залуучуудын иргэний нийгмийн наймдугаар чуулган болно.
- Монгол Улсын Боловсролын Их Сургуульд
09:00 цагт БШУЯ болон Нийслэлийн боловсролын газраас цэцэрлэгийн хүртээмжийг нэмэх ажлын хүрээнд их дээд сургуулиудтай хамтран цэцэрлэгийн 765 туслах багш зуны улиралд бэлтгэсэн талаар мэдээлнэ.
- Нийслэлийн боловсролын газарт
09:30 цагт Монгол Улс, АНУ-ын Засгийн газрын Хүүхэд хамгааллын түншлэлийн компакт гэрээний хүрээнд хэрэгжүүлэх “Ухаалаг хөтөч” болон “Өөрчлөлтийн төлөөх дуу хоолой” хөтөлбөрийн нээлт болно.
- Үндэсний соёл амралтын хүрээлэн дэх “White rock center”
10:00-18:30 цагт Япон Улс, Монгол Улсын хооронд дипломат харилцаа тогтоосны 50 жилийн ой, Монгол-Япон хүний нөөцийн хөгжлийн төв үүсэн байгуулагдсаны 20 жилийн ой, ЖАЙКА-гийн Монгол дахь Төлөөлөгчийн газар байгуулагдсаны 25 жилийн ойн хүрээнд “Монгол-Японы бизнес форум 2022” зохион байгуулагдана.
- Боловсрол Шинжлэх Ухааны Яамны байранд
11:00 цагт дээд боловсролын салбарт авч хэрэгжүүлж байгаа зарим арга хэмжээний талаар мэдээлэл хийнэ. Энэ хичээлийн жилд 21 дээд боловсролын байгууллагын тусгай зөвшөөрлийг цуцалж байгаа талаар мэдээлнэ.
- Монголын Үндэсний музейд
11:40 цагт "Модон урлал Монгол авдар" үзэсгэлэн, шинэ номын нээлт болно.
