УИХ-ын гишүүн Ш.Адьшаа, Н.Ганибал нарын гишүүд өнгөрөгч 11 дүгээр сард "давхар дээл"-тэй холбоотой гаргасан гомдлыг ҮХЦ-ийн Их суудлын хуралдаанаар өнөөдөр хэлэлцлээ. Хуралдаанд цэцийн бүх гишүүд оролцсон бөгөөд "Ерөнхий сайдаас гадна дөрвөн сайд УИХ-ын гишүүн байж болно" гэсэн шинэчилсэн заалт нь хууль зөрчсөн гэж дүгнэлээ. Тодруулбал, цаашид Ерөнхий сайд танхимдаа хэнийг хэрхэн томилж ажлуулах нь УИХ-д хамаагүй хэмээн шийдэв.

Ташрамд дурдахад, 2019 оны Үндсэн хуулийн нэмэлт, өөрчлөлтөөр баталсан “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан нь Үндсэн хууль зөрчсөн гэх гомдлыг гишүүд гаргасан байдаг. Хэрвээ Цэц уг гомдол, мэдээллийг Үндсэн хууль зөрчсөн гэж шийдвэрлэх юм бол ЗГ бүтэц бүрэлдэхүүндээ өөрчлөлт оруулах нөхцөл байдал үүснэ. Учир нь Цэцийн Их суудлын хуралдаан эцсийнх байдаг.