Цар тахлын нөлөөнөөс үүдэн Хонгконгийг зорьж буй иргэдийг долоо хоногийн турш тусгаарлалтад байлгаж байсан бол өнгөрөгч баасан гарагаас эхлэн гурав хоног тусгаарлахаар болжээ. Энэ талаар Хонгконгийн Ерөнхий консулын газраас мэдэгдсэн ба,

"2022 оны наймдугаар сарын 12-ны Баасан гарагаас эхлэн Хонконгт ирэх зорчигчдыг тусгаарлах хоногийг одоогийн долоогоос гурав болгон бууруулахаар болов. Гадаад улсаас зорчигчдыг тусгайлан заасан зочид буудалд гурав хоног тусгаарлаад, ковид-19-ийн шинжилгээ нь сөрөг гарвал дөрвөн хоног гэрт нь гаргаж, энэ үеэр өөрийгөө ажиглахын хажуугаар түргэвчилсэн шинжилгээ өгч дөрөв, зургаа дахь өдрөө ПГУ шинжилгээ өгөх шаардлага тавих юм. Өөрийгөө ажиглах дөрвөн хоногтоо иргэдийг зоогийн болон уушийн газар, гоо сайхны салон, спорт заал гэх мэт газруудад очихыг хориглох ч ажилдаа явах, дэлгүүр орох, энэ зорилгоор нийтийн унаанд суухыг зөвшөөрнө" гэжээ.