БНСУ-ын Сөүл болон Кёнги хотуудад сүүлийн 80 жилд тохиолдож байгаагүй хүчтэй аадар бороо орж, байшин, машин, барилга байгууламж, метроны буудлууд үерт автаад байгаа юм. Үерийн улмаас 7 хүн нас барж, зургаан хүн сураггүй болоод байсан бол дахин нэг хүн нас барсан гэж Yonhapnews агентлагт мэдээлжээ.
Тодруулбал, Засгийн газрын мэдээлснээр, борооны улмаас Сөүл хотод таван хүн нас барж, дөрвөн хүн сураггүй болсон бол Кёнги мужид гурван хүн нас барж, хоёр хүн сураггүй алга болсон байна.
Солонгосын цаг уурын газраас пүрэв гараг хүртэл нийслэлд 300 мм хүртэл бороо орох төлөвтэй байгаа бөгөөд өмнөд Кёнги мужид 350 мм-ээс их бороо орох төлөвтэй байна гэжээ.
