Төв аймгийн Алтанбулаг сум дахь Зэвсэгт хүчний 119 дүгээр ангийн байлдагч цэргийн алба хааж байх хугацаандаа төмсгөндөө гэмтэл авч, Цэргийн төв эмнэлэгт хэвтэж байна.

Тодруулбал, тухайн цэрэг өнгөрсөн 2021 оны арваннэгдүгээр сард төмсөг рүүгээ өшиглүүлсэн байна. Тухайн үедээ зовиур бага байсан ч явцдаа төмсөг нь унжиж хавдсан аж. Гэтэл цэргийн ангийн удирдлагууд нь сойлт хийж байгаад хоёр удаагийн марш тактикийн уралдаанд оролцуулсан гэдгийг цэргийн ар гэрийнхэн "Өдрийн сонин"-д өгсөн ярилцлагатаа дурджээ. Түүнчлэн шүд нь унаж, тархинд нь сорви үүссэн, шанааны судас нь лугшиж, халуурсан, шээсний гарц муу зэрэг зовиуртай байгаа аж.