Энэ мэдээ хуучирсан буюу 2022/07/25-нд нийтлэгдсэн мэдээ болно.

Сайжруулсан шахмал түлш хийхэд ашигладаг мидлингийг энэ жилээс төмөр замаар тээвэрлэхээр боллоо

Ангилал
Эдийн засаг
Хэзээ
Унших
2 минут 42 секунд

Эрчим хүчний сайд Н.Тавинбэхээр ахлуулсан сайжруулсан шахмал түлшний мидлингийг төмөр замаар тээвэрлэх ажлын хэсэг Дундговь, Өмнөговь аймгуудад ажиллаа. Ажлын хэсэгт Эрчим хүчний яам, Зам тээврийн хөгжлийн яам, Байгаль орчин, аялал жуулчлалын яам, Агаарын бохирдлыг бууруулах үндэсний хороо, Тавантолгой түлш ХК зэрэг холбогдох албаны удирдах албан тушаалтнууд багтсан байна.

Эрдэнэс тавантолгой, Энержи ресурс, Монголын төмөр зам, Тавантолгой төмөр зам компанийн төлөөллийг байлцуулан мидлинг түүнийг ачиж, буулгах талбай болон төмөр замын өртөөнүүдэд ажиллаж байгаа талаар Эрчим хүчний яамнаас мэдээллээ.

Мидлингийг энэ жилээс төмөр замаар тээвэрлэх юм. 2022-2023 оны өвөл 690 мян.тн сайжруулсан шахмал түлш хэрэглэх тооцоо гарсан. Нийслэлийн гэр хорооллын айл өрхийн халаалтын улиралд ашиглах түлшний хэрэглээний тасралтгүй байдлыг хангах зорилгоор МУ-ын Засгийн газраас 200 мян.тн сайжруулсан шахмал түлшний нөөцийг 2022 оны 10 дугаар сарын 01-ний өдөр гэхэд бүрдүүлэх үүрэг өгсөн. Үүний дагуу “Тавантолгой түлш” ХК-аас баруун үйлдвэрт 4 шугам ажиллуулан нийслэлийн 6 дүүрэгт байрлах агуулах болон үйлдвэрийн агуулахад 2022 оны 7 дугаар сарын 22-ны өдрийн байдлаар нийт 56.710 тн түлш нөөцлөөд байна.

Зүүнбаян-Тавантолгой чиглэлийн төмөр зам ашиглалтад орсонтой холбоотой “Тавантолгой түлш” ХК-ийн үндсэн түүхий эд мидлингийн тээвэрлэлтийг төмөр замаар тээвэрлэх боломжийг бүрдүүлэх зорилгоор “Тавантолгой өртөө” дээр ачилтын талбайн байршлыг тодорхойлох, барилга угсралтын ажлын бэлтгэл ажлыг эрчимжүүлэх зохион байгуулалтын арга хэмжээг авч хэрэгжүүлэхээр ажиллаж байна.

Энэхүү ачилтын талбай ашиглалтад орсноор сайжруулсан шахмал түлшний түүхий эд /мидлинг/-ийн тээвэрлэлтийг төмөр замаар тээвэрлэж байгаль орчинд сөрөг нөлөөгүй, авто замд эвдрэл гэмтэл, нөлөө үзүүлэхгүй тээвэрлэх ач холбогдолтой бөгөөд түүнчлэн мидлингийн тээврийн зардал буурах, тээвэрлэлтийн найдвартай ажиллагаа бүрэн хангагдах юм.

Төмөр зам бүрэн ашиглалтад орох буюу 2022 оны 09 дүгээр сарын 15-ны өдөр хүртэл 100 мян.тн мидлингийг автозамаар тээвэрлэх юм. Иймд Дундговь, Өмнөговь аймаг, Цогтцэций сумын удирдлагуудтай албан уулзалт хийж, зөвшилцлөө.

Улаанбаатарт 22 хэм дулаан, бороогүй
 
БИЧЛЭГ: Мьянмар улсын ”КК парк” гэх газар Монгол Улсын иргэд бэлгийн мөлжлөгт худалдаалагдсан нь тогтоогдоод байна
Энэ мэдээ хуучирсан буюу 2022/07/25-нд нийтлэгдсэн мэдээ болно.