Өнгөрөгч оны арваннэгдүгээр сараас эхлэн иргэдийн хүсэлтээр дархлаа сэргээх дөрөвдүгээр тунг хийж эхэлсэн. Харин одоогоор тавдугаар тунгийн асуудал яригдаж эхлээгүй байгаа юм. Харин Сүхбаатар дүүрэгт он гарсаар буюу эхний долоон сарын байдлаар таван хүн тавдугаар тун хийлгэжээ. Тодруулбал, тухайн иргэд нь гадаад улс руу зорчих зорилгоор тавдугаар тунг хийлгэсэн аж. Ингэхдээ тус улсаас нь Файзер вакцины гурван тунг нэхсэн учраас ХӨСҮТ-өөс албан ёсны зөвшөөрөл авч хийлгэжээ.