Энэ мэдээ хуучирсан буюу 2022/07/04-нд нийтлэгдсэн мэдээ болно.

Дижитал сургууль, контент бүтээх сургалтын талаар “Dell” компанийн төлөөлөлтэй уулзжээ

Ангилал
Нийгэм
Огноо
Унших
1 минут 20 секунд

Боловсрол, шинжлэх ухааны яамны Төрийн нарийн бичгийн дарга Л.Цэдэвсүрэн болон холбогдох албаны хүмүүс “Dell” компанийн Азийн бүсийн Орон нутгийн хөгжил хариуцсан менежер Т.Сэлэнгэ, “Global Smart Digital Cities” төслийн багийн ахлах Бай Луй нарыг хүлээн авч уулзлаа.

Энэхүү уулзалтаараа дижитал сургууль, их сургуулийн хотхон, контент бүтээх сургалтын компьютерийн онцлог төрлийн талаар ярилцаж Хөшигийн хөндийд байгуулахаар төлөвлөж буй дижитал их сургуулийн ТЭЗҮ хийх багийн бүрэлдэхүүнтэй уулзуулж, зөвлөгөө өгүүлэх хүсэлт гаргасныг төслийн багийн ахлах Бай Луй хүлээн авч буйгаа илэрхийлсэн юм.

Төрийн нарийн бичгийн дарга Л.Цэдэвсүрэн Монгол Улсын урт болон дунд хугацааны бодлогын баримт бичиг, Засгийн газрын үйл ажиллагааны хөтөлбөрт “Ухаалаг сургууль”, “Ухаалаг анги” төсөл хэрэгжүүлэх цахим сургалтын платформыг хөгжүүлж, сургалтын хөтөлбөр боловсруулах, хичээлийн нэгдсэн сан бүрдүүлж, нээлттэй боловсролын тогтолцоог хөгжүүлэх, багш бүрийг компьютержуулж, сүлжээний дэд бүтцийг шийдвэрлэх зэрэг олон чухал ажил төлөвлөснөө дуулгав.



Үндэсний их баяр наадмыг зохион байгуулах хорооноос мэдээлэл хийнэ
Үндэсний их баяр наадмыг зохион байгуулах хорооноос мэдээлэл хийнэ
 
Төрийн албан хаагчдын цалин ирэх даваа гарагаас 100-150 мянган төгрөгөөр нэмэгдэнэ
Төрийн албан хаагчдын цалин ирэх даваа гарагаас 100-150 мянган төгрөгөөр нэмэгдэнэ
Энэ мэдээ хуучирсан буюу 2022/07/04-нд нийтлэгдсэн мэдээ болно.