Өнөөдөр өглөө 09.00 цагийн орчимд Сүхбаатар дүүргийн нутаг дэвсгэрт байрлах Улсын нэгдүгээр төв эмнэлгийн таван давхраас хүн унаж, нас баржээ. Тиймээс хэргийн газрыг битүүмжилж, цагдаагийн байгууллагаас үзлэг шинжилгээ хийж байна.

Эх сурвалжийн мэдээлж буйгаар, талийгаач 52 настай эрэгтэй. Тус эмнэлгийн Дотоод шүүрлийн тасагт хэвтэн эмчлүүлж байсан бөгөөд эмнэлгийн таван давхрын цонхоор үсэрч, амь насаа хохироосон болох нь хяналтын камерын бичлэгээр нотлогджээ.

Хэргийг Сүхбаатар дүүрэг дэх цагдаагийн нэгдүгээр хэлтэст үргэлжлүүлэн шалгаж байна.