Нийслэлийн Ерөнхий прокурор асан Д.Баярмагнай, улсын арслан Ц.Содномдорж нар казино тоглон, хулгай хийсэн хэргээр Сингапурт баривчлагдсан гэх мэдээлэл олон нийтийн анхаарлын төвд байна. Ц.Содномдорж, Д.Баярмагнай нар эл асуудлыг үгүйсгэсээр байсан боловч Сингапурын шүүхээс гэмт буруутай эсэхийг шийдвэрлэх шүүх хурлын товыг зарласан нь хэрэгт холбогдсон болохыг нотлов.
Ингэхдээ ГХЯ-наас "Манай улсын хоёр иргэний нэг нь хэрэгт холбогдолгүй болох нь тодорхой болсон бөгөөд тухайн иргэдэд Сингапур дахь ЭСЯ-ныхан хууль зүйн туслалцаа үзүүлж байгаа" хэмээн мэдээлсэн.
