Засгийн газрын хуралдаанаар нийтийн тээврийн парк шинэчлэлийн хүрээнд хэд хэдэн шийдвэрийг гаргасан талаар Улаанбаатар хотын захирагч Д.Сумъяабазар танилцуулав. Тэрбээр "Түгжрэлийг бууруулах 420 тэрбум бүхий эх үүсвэрээс 60 тэрбум орчмыг нь нийтийн тээврийн шинэчлэлд зарцуулахаар төлөвлөсөн. Энэ байдлаар төсөв харж явбал он дамжсан санхүүгийн схемээр дамжихаар байгаа юм. Тиймээс олон улсын түншлэл, гадаад дотоодын эх үүсвэрээр зохицуулах нь богино хугацаанд нийтийн тээврийн шинэчлэлийг хот өөрөө хийх боломжтой гэж үзсэн тул Засгийн газарт танилцуулсан" гэв.