УИХ-ын гишүүн Т.Доржханд Сүхбаатарын талбайд жагсаал зохион байгуулахаар болжээ. Тодруулбал, энэ тухайгаа "Амьдралын чанараа дээшлүүлье" тайван жагсаалыг энэ сарын 5-ны өдрийн 12.00 цагт Төв талбай дээр зохион байгуулна. Хөдөлмөрийн үндэсний намаа парламентад би ганцаараа төлөөлдөг ч гэсэн тогтолцоонд өөрчлөлт оруулъя, иргэдийнхээ амьдралыг дээшлүүлье, парламентын нэр хүндийг дээшлүүлье гэж хоёр жил хичээж ажиллалаа. Гэтэл өөрчлөлт гарсангүй, гарахгүй юм байна. Тиймээс УИХ-ын танхим дотроос биш, төв талбай дээр жагсахыг залуучууддаа уриалмаар байна. Өөрсдөө өөрчил, эсвэл тар гэдэг уриалгатай тайван жагсаалыг зохион байгуулна. Бид юуг өөрчлөхийг зорьж байна вэ гэхээр төрийн данхайсан тогтолцоог өөрчилмөөр байна. Үүний тулд сонгуулийн тогтолцоог өөрчлөх шаардлагатай. Тэгж байж сонгууль шударга явагдана" хэмээлээ.
