Архидан согтуурсны улмаас нэгнийгээ хайчаар дүрж амийг нь хөнөөсөн хэрэг гарчээ. Тодруулбал, Орхон аймгийн Баян-Өндөр сумын нутагт эрэгтэй хүн нас барсан талаарх дуудлага мэдээлэл дөрөвдүгээр сарын 18-ны 03:44 цагт цагдаагийн байгууллагад бүртгэгджээ. Дуудлагын дагуу авч тус аймгийн цагдаагийн газраас шалгахад 36 настай, эрэгтэй Ж-г хамт архидан согтуурсан 36 настай, эрэгтэй Ч нь биеийн хэсгүүдэд хайчаар дүрж, амь насыг нь хохироосон нөхцөл байдал тогтоогджээ. Эл хэргийг тус аймаг дахь цагдаагийн газар шалгаж байна.
