Засгийн газар уржигдар /2022.04.08/ ээлжит бусаар хуралдаж жагсагчдын тавьсан 15 зүйл бүхий шаардлагаас өөрийн эрх мэдлийн хүрээнд дангаар шийдвэрлэх боломжтой 11 зүйлийг хэлэлцэн шийдвэрлэсэн.

Ерөнхий сайдын шийдвэрийн дагуу Цахим хөгжил, харилцаа холбооны яамнаас мэдэгдэл гаргалаа. Мэдэгдэлд, "Тус яам нь албаны авто машингүй бөгөөд хөдөө орон нутагт явахдаа түрээсэлж хэрэглэдэг болно. Цаашдаа ч ЦХХХ-ны яаманд авто машины худалдан авалт хийхгүй бөгөөд хэрэгцээ шаардлагаас хамааран түрээслэх бодлого баримталж байна. Бидэнтэй хамтран ажиллах авто машин түрээсийн компаниуд холбогдоно уу" гэжээ.