Чуулганы нэгдсэн хуралдаан үргэлжилж байна. Хуралдаанаар “Хөшигийн хөндийн эдийн засгийн чөлөөт бүс байгуулах тухай” Улсын Их Хурлын тогтоолын төслийг хэлэлцэж байна.

Хэлэлцэж буй асуудалтай холбогдуулан гишүүд асуулт асууж, хариулт авч байна.

УИХ-ын гишүүн Ц.Мөнх-Оргил "Чөлөөт бүс байгуулна гэдэг чинь улс дотор улс байгуулна гэсэн үг. Амаргүй ажил. Өмнө нь хоёрын хоёр чөлөөт бүс байгуулчихаад тэрнээсээ сургамж аваагүй л байна. Өмнөх хоёр чөлөөт бүсээсээ сургамж авсан уу. Юу нь болж байна, юу нь болохгүй байгааг олж харж чадав уу. Бид 30 жил хөөцөлдөөд банкуудын лоббиг давж чадахгүй байна. Монголд өнөөдөр нэг ч гадаадын банк алга. Нэг ч гадаад банк байхгүй байж олон улсын санхүүгийн чөлөөт бүс байгуулна гэж байгаа нь авцалдаагүй бишүү. Эхлээд ядаж нэг ч болов гадны банктай болъё. Банкны үйл ажиллагааг эрүүлжүүлье. Гадны банкийг удирдаад зохицуулчихаад сурсныхаа дараа хийвэл логиктой байна" гэлээ.