Өчигдөр Хөвсгөл аймгийн Мөрөн суманд хоёр хүний амь хохироосон ноцтой хэрэг гарчээ. Тодруулбал, 31 настай эрэгтэй Б нь хамтран амьдрагч Э болон түүний найз Ц-г хутгалж амийг нь хөнөөсөн байна.
Эх сурвалжийн мэдээлж буйгаар Б нь уул, уурхайн компанид ээлжийн ажил хийдэг бөгөөд тухайн өдөр ээлжээсээ бууж ирээд удаагүй байжээ. Түүнийг очиход гэрт нь түүний хамтран амьдрагч Э болон түүний найз Ц нар байсан аж. Мөн Т гэх танил эрэгтэй нь хамт байжээ. Харин Т-г хамтран амьдрагч Э-тэйгээ хардсан Б нь Э, Ц нарыг хутгалан хөнөөсөн байж болзошгүй нөхцөл байдал тогтоогдоод байгаа юм байна.
