Мэргэжлийн холимог тулааны UFC холбоонд хүчээ сорьж буй Д.Батгэрэл ээлжит тулаанаа хийлээ. Тэрбээр эл тулаанд АНУ-ы тамирчин Крис Гутиеррестэй хүч үзсэн. Мэргэжлийн дэвжээнд 12 ялж, хоёр ялагдсан тэрбээр өрсөлдөгчдөө хүнд цохилтоор ялагдлаа.

Тэмцээний дараагаар тэрбээр "Дэмжиж байсан хүн бүхэнд баярлалаа. Тэмцээндээ хожигдлоо. Өмнө гэмтэлтэй байсан нь нөлөөлөх шиг боллоо. Итгэлийг нь алдсанд уучлаарай. Өрсөлдөгч тамирчин маань ядарч байгаа нь мэдэгдэж байсан. Өөрөө босоогоос ялчихана гэж бодож байгаад тооцоо алдчихлаа. Юм нэгээр дуусах биш дараагийн тэмцээнүүд байгаа" гэв.