Чикаго хотоос гаралтай рэппэр Juice WRLD нас барсныг Иллиной мужийн эмнэлгээс баталлаа.

Чикаго хотын Мидвэй нисэх буудалд ням гарагийн өглөө буусныхаа дараа амьсгал нь гэнэт багтарч, цус алдаж эхэлсэн байна. Эмнэлэгт хүргэгдэх үедээ ухаантай байсан ч удалгүй нас баржээ. Үхлийн шалтгааныг хараахан тогтоогоогүй байна.

Эмо болон трап урсгалыг нийлүүлсэн өвөрмөц хоолойтой дуучин Juice WRLD 2018 онд “Lucid Dreams” дуугаараа гарч ирсэн. Дуу нь Америкийн Биллбоард чартад хоёрдугаарт бичигдэж байв. 

Эх сурвалж: The Guardian