ЭМЯ-наас цаг үеийн асуудлаар ээлжит мэдээллээ хийж байна. 

ХӨСҮТ-ийн захирал Д.Нямхүү “Дөрөвдүгээр сарын 07-ны байдлаар Монгол Улсын хэмжээнд сэжигтэй тохиолдол илрээгүй. Сэлэнгэ аймагт тусгаарлагдсан таван хүнээс коронавирус илрээгүй. Мөн  ХӨСҮТ-д байгаа 14 хүний давтан шинжилгээнээс коронавирус илрээгүй. Өчигдрийн байдлаар 237 хүнд шинжилгээ хийгдлээ. 

Харин дахин нэг тохиолдол бүртгэгдсэнээр тохиолдлын тоо 16 боллоо. Дээрх тохиолдол нь гуравдугаар сарын 26-27-нд шилжих шөнө хойд хилээр орж ирсэн иргэнд илэрлээ.  Дээрх иргэний эхний шинжилгээ гуравдугаар сарын 28-нд сөрөг гарч байсан бол дөрөвдүгээр сарын 07-08-нд шилжих шөнө давтан шинжилгээгээр халдвар илэрлээ. Тиймээс хяналтад байгаа хүмүүс тэвчээртэй хүлээж, хянах нь сайн.

Сайн мэдээ нь коронавируст зориулан үйлдвэрлэсэн "Авиган" нэртэй эмийг салбарын сайд Д.Сарангэрэл Япон улсаас захиалж авчран ХӨСҮТ-д эмчилгээнд хэрэглэж эхэлсэн. Эмийг түргэн хугацаанд авчирсан. “Авиган” эм нь коронвирусний эсрэг хэрэглэх хамгийн сүүлийн үеийн эм юм” гэв.