Коронавируст халдвар (КОВИД-19) цар тахлын эсрэг авсан арга хэмжээний үр дүнд нас баралт бусад оронтой харьцуулахад 4 дахин бага байсныг Эрүүл мэндийн сайдын зөвлөх О.Батбаяр онцоллоо. Тэрбээр "Нэгдүгээрт, Засгийн газраас вакцины хангалтыг маш эрчимтэй хийсэн. Вакцины олон төрлийн сонголтыг бий болгосон. Гуравдугаарт, манай улсад вакцины II болон III тунгийн хамрагдалт өндөр байсан. Бид вирусийн эсрэг эмчилгээг иргэдэд эрт эхлэх боломжийг олгосон ДЭМБ-ын зөвлөмжийн дагуу Засгийн газрын санхүүжилтээр эрүүл мэндийн даатгалын ерөнхий газрын дэмжлэг, өрхийн эмнэлгээр дамжуулан даатгалтай даатгалгүй, дотоод гадаадын гэлтгүй бүх хүмүүст багц олгосон. Энэ нь бидэнд давуу тал олголоо.

Түүнчлэн манай улсын хувьд зөвхөн хүнд өвчтөн биш хүндэвтэр болон хүндрэх эрсдэлтэй өвчтнүүдийг хэвтүүлэх тактик баримталлаа. Дийлэнх орнууд зөвхөн хүнд өвчтнүүдийг хэвтэн эмчлүүлж байлаа. Бид ковид-19 цар тахлын эсрэг эмчилгээний орыг оргил үед нь 23 мянга хүртэл ор дэлгэлээ. Дээрх тактикууд нь бидэнд нас баралтыг маш бага түвшинд барих боломжийг олгосон" гэлээ.