Атланта Хокс, Лос Анжелэс Лэйкэрс багууд улирлын ээлжит учраа таарсан тоглолтоо хийж, 129:121 харьцаагаар Атланта хожлоо. Ингэснээр Атланта улирлын 24 дэх хожлоо авсан бөгөөд тэд сүүлийн долоон тоглолт дараалан хожжээ. Тухайлбал, Милуакий, Миннэсота, Миами, Бостон, Шарлотт, Сакраменто зэрэг багуудыг хожсон байна.
Өнөөдрийн тоглолтод Атлантагаас Трэй Янг 36 оноо 12 дамжуулалт, Жон Коллинс 20 оноо 11 самбар авсан байна. Харин Лэйкэрсээс Малик Монк 33, Энтони Дэвис 27, Рассэл Вэстбрүүк 20 оноог тус тус авчээ. Тэд Леброны эзгүйд гурав дараалан хожигдоод байгаа юм.
