УИХ-ын Эдийн засгийн байнгын хорооны хуралдаанаар Газрын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг УИХ-ын гишүүн Б.Энхбаяр танилцууллаа.

Тэрбээр "Энэ хуулийн хүрээнд өнгөрсөн 20-30 жилд өрнөсөн газрын хулгайг тодорхой хэмжээгээр хязгаарлахыг зорьж байна. Миний бие улсын хэмжээнд судалгаа хийхэд Улаанбаатар хотын хэмжээнд 107 төрийн байгууллга 104.2 га төрийн мэдлийн өмчийн газар дээр нийтийн орон сууц барьж зарсан байна. Үүнийг Засгийн газраас гаргасан газрын суурь үнэлгээгээр тооцоход 99 тэрбум 566 сая төгрөгийн газар зарсан байгаа юм" гэв.