Улаанбаатар хотын Захирагчийн ажлын алба, НХМГ, “Таван Толгой Түлш” ХХК-иас нийслэлийн агаар, орчны бохирдлын талаар өнөөдөр /2022.01.17/ ээлжит мэдээлэл хийлээ. Энэ үеэр цагдаагийн байгууллагад ирсэн мэдээллийн талаар НЦУГ-аас мэдээлэл өгсөн. НЦУГ-аас мэдээлснээр өнгөрөгч 7 хоногийн хугацаанд зориулалтын бус утаа үүсгэгч шатааж байна гэх 11 дуудлага мэдээлэл 102 тусгай дугаарт ирсэн. Үүнийг шалгаж үзэхэд бүгд батлагдаагүй аж. Мөн угаартсан гэх 17 дуудлага бүртгэгдэж, 47 иргэн хүнд, хөнгөн хэлбэрээр хохирч, нэг иргэн энджээ.