УИХ дахь АН-ын бүлгийн дарга Д.Ганбат бүлгийн хурлаас хэлэлцсэн асуудлын талаар мэдээлэл хийлээ. Энэ үеэр тэрбээр УИХ дахь АН-ын бүлгийн хуваагдлын талаар байр сууриа илэрхийлээ. Сануулахад УИХ-ын гишүүн О.Цогтгэрэл нарын АН-ын бүлгийн гишүүд бүлгийн дарга Д.Ганбатыг огцруулах хүсэлтээ УИХ-ын даргад хүргүүлээд байгаа юм.

УИХ дахь АН-ын бүлгийн дарга Д.Ганбат "УИХ-ын гишүүдийн ёс зүйн дүрэм үйлчилж эхэлсэн. Энэ дүрмээр гишүүд АН-ын гишүүн л юм бол хуралдаа суух үүрэгтэй. Өнөөдрийн УИХ дахь АН-ын бүлэг албан ёсоор найман гишүүнтэй. УИХ-ын гишүүн Б.Пүрэвдорж болон миний бие бүлгийн хуралд суусан. УИХ-ын гишүүн Д.Бат-Эрдэнэ, С.Одонтуяа нар гадаадад байгаа. Эмнэлэгт А.Адъяасүрэн гишүүн байгаа. Тиймээс өнөөдрийн хуралд УИХ-ын гишүүн Б.Пүрэвдорж бид хоёр суусан" гэв.