УИХ-ын чуулганы үдээс хойших хуралдаан үргэлжилж байна. Үдээс хойших хуралдаанаар иргэдийн сурч боловсрох эрхийг хангах, хичээл, сурлагын хоцрогдлыг нөхөх, арилгах арга хэмжээний талаар Ерөнхий сайдын мэдээллийг Боловсрол, шинжлэх ухааны сайд Л.Энх-Амгалан танилцууллаа. УИХ-ын гишүүн Н.Алтанхуяг үг хэллээ.
Тэрбээр "Сурагчдын сурлагын асуудлыг сурагчдын амралтаас өмнө ярих хэрэгтэй байсан. УИХ унтаа байдлаасаа сэрэх хэрэгтэй байна. МАН-ынхны ирц бүрдээгүйгээс болж УИХ-ын чуулган 40 минутаар хоцорч эхэлээ. Өнөөдөр хичээл сургуулийн хоцрогдлыг нөхөхөөс өмнө УИХ-ын хоцрогдлыг яаж арилгах талаараа яримаар байна. МАН-ынхан хариуцлагатай байх ёстой. УИХ хэзээ ийм байсан юм бэ. Төр засаг ном журмаараа ажиллахгүй, баталсан хуулиа хэрэгжүүлэхгүй байна. УИХ ядаж цагтаа эхлэх хэрэгтэй. Ирцээ ч бүрдүүлж чадахгүй арчаагүй УИХ тарцгаа" гэв.
