Засгийн газрын ээлжит хуралдаанаас гарсан шийдвэрийг танилцуулж байна.

Ерөнхий сайдын хэвлэлийн төлөөлөгч Ч.Болортуяа: "Нэгдүгээр сарын дөрөвний өдрийн байдлаар Омикрон хувилбар дэлхийн 135 оронд бүртгэгдээд байна. Омикрон хувилбартай холбогдуулан Ерөнхий сайд УОК, ЭМЯ-нд тодорхой үүрэг, чиглэл өглөө. Энэ хүрээнд гадаадаас ирж буй иргэдийн халдварын тандалт, судалгааг эрчимжүүлэх, вакцины гуравдугаар тунд хамрагдаад гурван сар болсон иргэдийг сайн дурын үндсэн дээр дөрөвдүгээр тунд хамруулах ажлыг зохион байгуулах, цар тахлын эсрэг хариу арга хэмжээний багийн ажилчид болох эрүүл мэнд, онцгойгийн алба хаагчдыг дөрөвдүгээр тунд хамруулахыг эрүүл мэндийн яаманд үүрэг болголоо" гэв.