Хөл бөмбөг сонирхогчдын сэтгэл зүрхэнд дуу хоолой дүр төрхөөрөө хоногшсон хөл бөмбөг тайлбарлагч Э.Балжинням зуурдаар таалал төгссөн. Тэгвэл түүний гэгээн дурсгалыг хүндэтгэж, гэр бүл, төрөл төрөгсөд нийгмийн сайн үйлсийн “БАЛЖИННЯМ САН”-г байгуулан, үйл ажиллагаагаа эхлүүлж байна. Тус сангаас өнөөдөр буюу арванхоёрдугаар сарын 23-ны өдөр Эх Хүүхдийн Эрүүл Мэндийн Үндэсний Төвийн нярайн эрчимт эмчилгээний тасагт нэн шаардлагатай тоног төхөөрөмжүүд болох шарлагын аппарат, пульсоксиметр зэргийг хандивлалаа.
