ОХУ-ын Байгаль нуур орчим Танхой тосгонд 5,7 магнитудын хүчтэй газар хөдлөлт болсон талаар тус улсын Засгийн газрын Шуурхай албанаас мэдээллээ.

Газар хөдлөлтийн чичирхийлэл Эрхүү хотод хүчтэй мэдрэгджээ. Манай улсын Дархан-Уул, Сэлэнгэ аймагт болон Улаанбаатар хотод чичирхийлэл мэдрэгдсэн байна.

Газар хөдлөлт Улаанбаатарын цагаар 21:44:51 цагт болсон гэж ШУА-ийн Одон орон, геофизикийн хүрээлэнгээс мэдээлсэн байна.