Хэнтий аймгийн Галшар сумын Оч багийн “Зүүн-Өлзийт” гэдэг газарт тус сумын харьяат малчин А арванхоёрдугаар сарын 8-ны 01:00 цагийн орчим гэрээс гараад сураггүй болсон тухай мэдээллийг арванхоёрдугаар сарын 11-ний өдрийн 11:20 цагт хүлээн авсан. Дуудлагын дагуу тус аймгийн Бор-Өндөр сум дахь Онцгой байдлын хэлтсийн Гал түймэр унтраах, аврах 49 дүгээр ангийн алба хаагчид, ар гэрийнхэн эрэн хайх ажиллагааг арванхоёрдугаар сарын 13-ны өдрийн 09:00 цагаас 15:30 цаг хүртэл зохион байгуулсан байна. Ингэхдээ тус сумын Оч багийн “Энгэр-Өлзийт” гэдэг газраас 45 настай эрэгтэй А-ын цогцсыг олж, Галшар сумын Цагдаагийн хэсгийн төлөөлөгчид шилжүүлэн өгсөн аж.