Өчигдөр УОК-ы нэгдсэн шуурхай штабаас хийж хэрэгжүүлж байгаа ажлын нөхцөл байдлыг танилцуулаа. Энэ үеэр УОК-ын дэргэдэх Эрдэмтдийн зөвлөлийн дарга, хурандаа Ж.Амгалан омикрон хувилбарын талаар дараах мэдээллийг өглөө.

Тэрбээр “Өмнөд Африкийн Бүгд Найрамдах улсын Биоаюулгүйн лабораториос гаргасан мэдээллээр нэгдүгннрт Омикрон хувилбарын тархалт хурдан ч хүндрэх хүний тоо болон эмчлэгдэх хугацаа нь бага байгаа юм байна.

Олон улсын эрдэмтэн, судлаачид Омикрон хувилбарын тархалтыг удаашруулах, урьдчилан сэргийлэх боломжтой арга хэмжээнүүдийн талаар зарим санал гарч ирж байна

Тухайлбал Омикрон хувилбарын оргил үеийг бид нар хойшлуулах боломжтой. Энэ хүрээнд шинэ жилийн баяр амралтын өдрүүдийг 5-6 өдрөөр сунгах, зайнаас ажиллах, сурах хэлбэрт эргэн шилжих. Үзвэр үйлчилгээний байгууллагуудын хүний тоог хязгаарлах зэрэг арга хэмжээг авах шаардлагатай байна гэж дэлхий нийтээрээ харж байна" гэв.