МАН-ын 30 дугаар их хурал болж байна. Хуралдаанд Ерөнхий сайд, МАН-ын дарга Л.Оюун-Эрдэнэ Шинэ сэргэлтийн бодлого хэрэгжилтийн талаар илтгэл тавьсан билээ. Дээрх илтгэлтэй холбогдуулан УИХ-ын гишүүн Х.Ганхуяг эдийн засгийн тусгаар тогтнолын талаар байр сууриа илэрхийллээ.

Тэрбээр "Эдийн засгийн тусгаар тогтнолгүйгээр улс төрийн тусгаар тогтнол байна гэдэг нь хэцүү. Бие даасан шийдвэр гаргах боломжгүй, бүх зүйл дээр хүний гар харсан байдалтай байж болохгүй. Тиймээс дараагийн 100 жилийн эдийн засгийн тусгаар тогтнолын асуудлыг ярина гэдэг нь үндсэндээ эрчим хүчний хараат бус байдал, зам тээвэр, логистик боомтын асуудлыг шийднэ гэсэн үг. Мөн дотооддоо хүнсээ 100 хувь хангадаг болно гэсэн үг. Ямар нэгэн байдлаар дахин ковид шиг нөхцөл үүсэхэд дотооддоо асуудлаа шийддэг болох боломжийг бүрдүүлнэ гэсэн үг юм" гэв.