Архангай аймгийн "Ирээдүй" цогцолборын багш нь хүүхдүүдээ зодож буй бичлэг олон нийтийн сүлжээнд тарж, иргэдийн бухимдлыг төрүүлээд буй. Тэгвэл уг асуудлын талаар Боловсрол, шинжлэх ухааны сайд Л.Энх-Амгалан мэдээлэл өгөв.

Тэрбээр "Архангайн цэцэрлэгт хүүхэд хүчирхийлсэн багш нь хуурамч дипломтой байсан нь нотлогдсон. Мөн цэцэрлэгийн эрхлэгч нь хуурамч дипломтой байсан.

Өнгөрсөн долоо хоногт манай яам хуралдаад цэцэрлэг, сургуулийн багш, нийгмийн ажилтан, дотуур байрны ажилтнуудын дипломыг шалгах ёстой гэж үзсэн. Мөн багш, нийгмийн ажилтан, сургуулийн албан хаагчдын ур чадвар, ёс зүйг сайжруулах шаардлагатай байна. Цаашлаад боловсролын салбарын нийт багш, сурган хүмүүжүүлэгчдийн хэд нь багшлах арга барилаа эзэмшсэн, дипломтой, ёс зүйтэй хүмүүс байна вэ гэдгийг системийн хэмжээнд шалгах хэрэгтэй" гэсэн юм.