Засгийн газрын ээлжит хуралдаанаас гаргасан шийдвэрийн талаар Уул уурхай, хүнд үйлдвэрийн сайд Г.Ёндон мэдээлэл өглөө.

Тэрбээр "Үндсэн хуулийн нэмэлт өөрчлөлттэй уялдуулан байгалийн баялагийг иргэн бүрт хэрхэн хүргэх арга замыг манай яам боловсруулсан. Одоо үйлчилж байгаа хууль болон шинээр өргөн барих гурван хууль зайлшгүй шаардлагатай байж эрх зүйн орчин бүрдэх дүгнэлтийг хийсэн. Хайгуул, олборлолтын ажил Ашигт малтмалын тухай хуулийн зохицуулалтаар явдаг. Энэ хуульд шинэчилсэн найруулга хийхээр хуулийн төслийг боловсруулж байна. Өнгөрсөн долоон хоногийн Засгийн газрын хуралдаанаар Хүнд үйлдвэрийн тухай хуулийг өргөн барьсан. Засгийн газрын хуралдаанаар хэлэлцүүлсэн. УИХ-д өргөн барина. Мөн Эрдэс баялгийн биржийн тухай хуулийг хэлэлцүүлсэн" гэв.