БНХАУ-ын Эрээн хот өнөөдрөөс эхлэн "Ковид-19" халдварын нөхцөл байдлын улмаас хөл хорио тогтоосон талаар бид мэдээлсэн. Ингэснээр Замын-Үүд, Эрээний боомт түр хугацаагаар хаагдаж байгаа юм. Энэ талаар ХХЕГ-аас "БНХАУ-ын Эрээн хотод коронавирусийн тархалт бүртгэгдэж сургууль, цэцэрлэг болон бусад байгууллагын үйл ажиллагааг зогсоож, бүх нийтийн шинжилгээнд хамруулах болсонтой холбогдуулан Эрээн боомтоор нэвтрэх хөдөлгөөнийг өнөөдрийн хугацаанд түр хязгаарласан талаар хилийн төлөөлөгчийн шугамаар мэдэгдлээ" гэлээ.