УИХ-ын 18, 28 дугаар тойргийн нөхөн сонгуулийн санал хураалт өчигдөр болж дууссан. Нөхөн сонгуулийн ирцийн хувьд 18 дугаар тойрогт сонгогчдын нэрсийн жагсаалтад бүртгэгдсэн нийт иргэдийн 35.8 хувь нь санал өгсөн бол 28 дугаар тойрогт сонгогчдын нэрсийн жагсаалтад бүртгэгдсэн нийт иргэдийн 39.6 хувь нь саналаа өгсөн.

Ингэснээр сонгуулийн тойрогт хамаарах сонгогчдын нэрийн жагсаалтад бичигдсэн нийт сонгогчдын 50 буюу түүнээс дээш хувь нь санал хураалтад оролцоогүй бол 50 хувь нь оролцоогүй хэсэг тус бүрд нэмэлт санал хураалт явуулахаар болоод байсан юм.

Тэгвэл өнөөдөр өглөө СЕХ хуралдаж, нэмэлт санал хураах хугацааг товлолоо. Тодруулбал, УИХ-ын 18,28 дугаар тойргийн нөхөн сонгуулийн нэмэлт санал хураалтыг энэ сарын 16-н буюу бямба гарагт явуулахаар болжээ