Засгийн газрын бүтцэд өөрчлөлт орж, өнөөдрийн Засгийн газрын хуралдаанаар БОАЖ-ын сайдыг чөлөөлнө гэх мэдээлэл цацагдсан. Тэгвэл цаашид ямар нэгэн сайдуудыг чөлөөлөх асуудал яригдах эсэхийг Ерөнхий сайдын Хэвлэлийн төлөөлөгч Ч.Болортуяагаас тодруулахад "Хуралдаанаар ийм асуудал огт яригдаагүй. Ор үндэслэлгүй худал мэдээлэл" гэлээ.

Мөн Ерөнхийлөгч асан Х.Баттулгыг Ерөнхий сайдын зөвлөхөөр ажиллах шийдвэр албан ёсоор албажсан эсэхийг тодруулахад "Ерөнхий сайдын хувьд Ерөнхийлөгч асан Х.Баттулгад орон тооны бус зөвлөхөөр ажиллах санал тавьсан. Одоогоор шийдвэр нь албажаагүй байна" гэлээ.