Дэлхийн эрүүл мэндийн байгууллагаас коронавирусийн "Mu" хэмээх шинэ мутац хувилбарыг судалж байгаа талаар мэдээллээ.
Mu буюу B.1.621 хэмээх уг хувилбарыг ДЭМБ-ын ажиглалтын жагсаалтад наймдугаар сарын 30-нд оруулсан бөгөөд вакцины үзүүлэх нөлөө харьцангуй бага байгаа аж. Дархлааны системээс зугтах шинж чанартай уг хувилбар нь Өмнөд Африк улсад анх илрүүлж байсан мутацтай төстэй байж болохыг ДЭМБ-ын тайланд дурджээ.
Дэгдэлт Өмнөд Америк тивээс гадна Европ, АНУ, Хонконгт бүртгэгдсэн ба дэлхийн нийт халдварын 0.1 хувийг эзэлж байна.
