Сүүлийн 24 цагт халдварын 3726 тохиолдол батлагдаж долоон хүн нас барлаа. Наймдугаар сарын дунд үеэс хойш өдөрт бүртгэгдэж буй тохиолдлын дундаж 2000 орчим байсан бол өнөөдөр 3700 гаруй бүртгэгдсэн нь халдварын дараагийн давалгаа эхэлсний дохио юм. Энэ талаар Эрүүл мэндийн яамнаас дельта давалгаа эхэлж байгааг мэдээллэв.

ЭМЯ-ны зүгээс "Дельта давалгаа эхэллээ. Өвдөхгүй байхад л хүн бүр анхаарч, дэглэмээ баримталж, олон хүн цугларсан газар очихгүй байх, амны хаалт авч үйлчлүүлдэг газраар үйлчлүүлэхгүй байхад анхаарна уу" гэв.